TEMA TË NDRYSHME

Dëshira dhe përmbajtja e vetvetes

Shumë nga njerëzit i sheh të cilët mburren para të tjerëve, ndërsa dobësohen dhe bien para atyre që janë nën ta apo që janë të afërmit e tyre.

Në të vërtetë fusha e parë në të cilën shihet burrëria është kur njeriu ngadhënjen ndaj vetes së tij, ndaj epshit të tij, i cili gjithmonë e urdhëron në të këqija. Njeri është ai i cili kur e thërret vetja e tij në mëkat e kundërshton atë dhe kur epshi i tij mundohet ta lëviz  ai e frenon epshin e vet dhe para tij ka kënaqësi të ndryshme, ndërsa ai nuk i përgjigjet atyre.

Vlerën më të madhe e ka ai i ri i cili rritet në adhurim ndaj Allahut, kur të afërmit dhe shokët e tij e thërrasin në shoqërimin në të këqija dhe në kënaqësi të ndaluara, ndërsa ai largohet nga kjo. Ky njeri të cilit u janë lehtësuar dyert e mëkateve, në të cilat njerëzit vrapojnë pas tyre apo e thërret një grua e bukur dhe me pozitë, ndërsa ai i thotë: “Unë i frikësohem Allahut.”

Rini e nderuar! Ngadhënjimi më i madh është ngadhënjimi ndaj gjërave që të shpien në ato që janë jo morale dhe ngadhënjimi ndaj epsheve të tua. Ndërsa humbja më e madhe  është atëherë kur njeriu e kupton rrugën e gabuar, por e kalon atë, sepse nuk ka mundësi që t;i thotë vetës së tij jo. Pra, ku janë burrat këtu? Ku janë burrat të cilët ngadhënjejnë ndaj vetes? Ku janë ata të cilët e dirigjojnë epshin e tyre e jo epshi ata? Ata e urdhërojnë epshin, e jo epshi ata.

Ata të cilët dështojnë në betejën me veten e tyre ata do të dështojnë edhe në betejën me armikun e tyre, ndërsa nuk ka mundësi të ngadhënjejë një umet të cilin e udhëheqin njerëzit të cilët kanë dështuar me veten e tyre.

Ja, ky është Abdurrahman ed Dahil, i cili kur zbriti prej detit në tokën e Spanjës i ofruan atij verë që të pijë. E refuzoi duke thënë: “Unë kam nevojë diçka që më shton mendjen time e jo diçka që ma humb mendjen time.” Nga kjo njerëzit e njohën vlerën e tij. Pastaj ia ofruan një robëreshë të bukur, e shikoi, pastaj tha: “Me të vërtetë, qenka e bukur, por nëse unë e marr këtë dhe pastaj merrem me synimet e  mija që i kam, atëherë e lë pas dore këtë robëreshë e kështu i bëj  zullum asaj. E nëse merrem me të (robëreshën) dhe largohem nga synimet e mia, atëherë i bëj zullum synimeve të mia; pra, nuk kam nevojë tani për këtë robëreshë.

Si burrat janë ata që kur vetja e tyre i thërret në mëkat ata ngadhënjejnë ndaj kësaj, po ashtu  ata ngadhënjejnë edhe kur i thërret vetja e tyre në hidhërim dhe në nacionalizëm, në të cilin nuk është i kënaqur i Mëshirshmi.

Transmetohet se i dërguari ishte duke ligjëruar në hytbe dhe tha: “...Ç’është flakërimi (zemërimi)?” Thanë: “Ai i cili është i zemëruar.” Tha i dërguari i Allahut: “Zemërimi është (e tha këtë tri herë) kur njeriu hidhërohet dhe shtohet hidhërimi i tij, gjersa të skuqet fytyra e tij, rrëqethen flokët e tij dhe pastaj e flakëron atë hidhërimi.” Transmeton Imam Ahmedi.

Ndërsa dy koleksionet e vërteta shënojnë se Ebu Hurejra transmeton nga i dërguari i Allahut se ka thënë: “Nuk është i ashpër ai të cilin e kaplon zemërimi, por i ashpër është ai i cili e pengon veten në rast hidhërimi.”

Me të vërtetë, përgjigjja në provokime, ulërima, emocioni në hidhërime, gjuajtja me fjalë të ndyra të afërmin apo të largëtin, janë çështje që secili ka mundësi t’i veprojë. Por atë të cilën nuk mund ta bëjnë përveç të mençurit, është butësia kur fluturojnë mendjet e mendjelehtëve, është  ai i cili fal atëherë kur i forti hakmerret. Për këtë Allahu i ka lavdëruar një grup prej të devotshmëve të cilëve i ka premtuar falje dhe xhenete të gjëra. Thotë Allahu: “Dhe ngutuni (me punë që meritoni) në falje mëkatesh nga Zoti juaj dhe për në një xhenet, gjerësia e të cilit është si gjerësia e qiejve dhe e tokës, i përgatitur për të devotshmit. Të cilët japin kur janë shlirë edhe kur janë në vështirësi dhe që e frenojnë mllefin, që u falin (të keqen) njerëzve, e Allahu i do bamirësit. Edhe ata të cilët kur bëjnë ndonjë (mëkat) të shëmtuar ose i bëjnë zullum vetes së tyre, e përmendin Allahun dhe kërkojnë falje për mëkatet e tyre - e kush i falë mëkatet përveç Allahut? - dhe që duke ditur, nuk vazhdojnë në atë që kanë punuar (në të keqen). Shpërblimi i të tillëve është falja nga Zoti i tyre dhe xhenetet nëpër të cilët rrjedhin lumenj e aty do rrinë përgjithmonë. Sa i mirë është shpërblimi i atyre që punojnë.” Ali Imran, 133-136.

Mirësia ndaj atij që të bën keq është një shkallë që  nuk ka mundësi ta arrijë çdokush. Allahu thotë në Kuran: “Nuk është e barabartë e mira dhe e keqja. Andaj, (të keqen) ktheje me mirësi, se atëherë ai, mes teje dhe të cilit ka armiqësi, do të bëhet (si) mik i afërt. Mirëpo, këtë nuk e arrin kush, pos atyre të durueshmëve, dhe nuk e arrin kush, pos atyre me virtyt të lartë.” Fusilet, 34-35.

Ndoshta nga një herë i lejohet që njeriu ta kërkojë të drejtën e tij dhe të ngadhënjejë ndaj atij që i ka bërë zullum, por heqja dorë nga e drejta e jote nganjëherë është veçori që e plotëson burrërinë tënde. Këtë nuk kanë mundësi ta bëjnë përveç ata që kanë synime të larta. Allahu thotë në Kuran: “Ndëshkimi i të keqes, bëhet me një të keqe në të njëjtën masë, e kush fal e bën pajtim, shpërblimi i tij është tek Allahu. Vërtet, Ai nuk i do zullumqarët. E kush hakmerret për padrejtësitë që i janë bërë, ndaj të tillëve nuk ka ndonjë përgjegjësi. Përgjegjësia (ndëshkimi) është vetëm kundër atyre që u bëjnë njerëzve padrejtë dhe kundër atyre që pa farë arsye bëjnë çrregullime në tokë. Për të tillët është një dënim i dhembshëm. Kush bën durim dhe fal, s'ka dyshim se ajo është virtyti më i lartë (i lavdishëm).” Shura, 40-43.

Përktheu: Shaban Murati

19.01.2007

vazhdon...

Tema të tjera të ndryshme

Disa pjesë të moralit të tij I

Me të vërtetë ti je në një shkallë të lartë të moralit

Njerëzit të cilët sprovohen më tepër

Ramazani - muaji i thirrjes

Ky muaj

Shkaqe që e bëjnë mashkullin të humbë ramazanin

Shkaqe që e bëjnë femrën të humbë ramazanin

Lotët e njeriut më të shtrenjtë

Shkaqe të veçanta që të bëjnë të fitosh mosdhënien rëndësi dynjasë

Rëndësia dhe llojet e thjeshtësisë

Shkaqet që mundësojnë hyrjen në xhenet

Shkaqet e mbrojtjes nga dënimet

Largimi

Raste të çmueshme për gruan muslimane

Ku është lumturia

Përsosmëria është e shtrenjtë por dhe fisnike

Përfundimi i keq

Shenjat dhe shkaqet e përfundimit të mirë

Pesë gjërat që e shkatërrojnë zemrën

Kthimi tek Allahu

Feja apo kombi 

Kur të pranosh shpërblimin

Gati sa nuk e shita  fenë për 20 pensë

Të drejtat e bashkëshortes ndaj bashkëshortit 

Dhe Ne (Muhamed) ta ngritëm lartë famën tënde

Gruaja muslimane dhe bashkësia  e saj

Si ta presim Ramazanin

Fëmijët tanë dhe faqet çoroditëse

Takimi ynë është varri

Banorët e Arafit

Veshja e devotshmërisë është më e mira

Cilin lloj të zemrës keni

Kush e blen gjuhën e kritikuesit

Program jete

Ndalimi i gënjeshtrës

Korrektësia dhe gënjeshtra

A nuk dëshiron të udhëzohesh

Shpërbërja e maleve

Shkaqet e lumturisë

Program i thjeshtë mujor

Bamirësia ndaj prindërve

Poetika e përparimit të pashmangshëm

Nuk kam nevojë për më shumë se sa një kilogram

Rëndësia e kohës në jetën e muslimanit

Sa vend kanë

Gënjeshtra e 1 prillit

Një çast, të lutem

Pamja dhe tiparet e Pejgamberit