Klubi Kulturor

Artikuj / Etikë dhe mirësjellje

Përmirësoje raportin tënd ndaj Librit të Allahut

20.12.2009 07:23:21

A je nga ata të cilët rrallë herë e marrin Kur'anin për të lexuar?! Apo e lexoni çdo ditë, mirëpo mendoni se nuk po ju len përshtypje të cilën duhet t’ua lë?! Si do që të jetë rasti juaj, ja disa këshilla të thjeshta të cilat do t’iu ndihmojnë që të «bashkoheni» me Kur'anin:
                • Para se t’a prekësh, shikoje zemrën tënde! Çelësi për të arritur deri te të mirat e Kur'anit, qëndron pikërisht me shikim në zemrën tënde para se t’a prekësh Librin e All-llahut. Pyete veten, sinqerisht, pse e lexon atë?!- për tu informuar për disa gjëra apo “më mirë sot sesa nesër”?! Përkujto se Pejgamberi (sal-All-llahu 'alejhi ue sel-lem) nga ana e Aishes (radijAll-llahu 'anha) është përshkruar si «Kur'an që lëviz». Me fjalë të tjera, ai jo vetëm se e ka lexuar atë, por edhe e ka ngjallur atë.
                • Merr abdest si duhet! Marrja e abdestit është përgatitje e duhur psiqike dhe fizike, sepse të shtyen të përkujtosh se nuk po e lexon një libër në vazhdimësi, por se po i lexon Fjalët e All-llahut të drejtuar kah ti, ndërsa ato mund t’i lexojë vetëm ai i cili është i pastër.
                • Lexo nga pesë minuta, mirëpo për çdo ditë! Shpeshherë dëgjojmë se si duhet të lexojmë Kur'anin, së paku një orë në ditë. Nëse nuk e ke shprehinë e leximit të Kur'anit, atëherë kjo është tepër. Nëse e bën hapin e parë, pesë minutat shndërrohen në dhjetë minuta, më pastaj në gjysmë ore, një orë, e ndoshta edhe më shumë.
                • Sigurohu (bindu) se po e kupton atë që po e lexon! Pesë minuta të leximit të Kur'anit është mirë, por duhet të jeshë e sigurtë se e kupton atë çfarë ke lexuar. Sugjerohet leximi i Kur'anit në gjuhën tënde, po nëse ke libër të tefsirit (komentimit të Kur’anit), atëherë më mirë!
                • Mos u ndal vetëm në lexim, nganjëherë edhe dëgjo! Sot është lehtë për të ardhur deri te audio-kasetat dhe CD-të në të cilat janë inçizuar pjesë nga Kur'ani, bile kemi mundësi të zgjedhim recitatorët. Përdore vokmenin apo kasetofonin e automobilit, kur kthehesh nga puna, kur t’i dërgosh fëmijët në punë, e të ngjashme.  Le të jetë ky si shtesë e jo zëvendësim i asaj çfarë ti lexon brenda ditës!
                • Bë dua (lutje)! Lute All-llahun, që të të pastrohet qëllimi. Bë dua që Kur'ani të bëhet udhërrëfyes në jetën tënde, dritë që do të të udhëheqë në dunjalluk dhe në vështirësitë e saj si dhe drejt kënaqësive në mirësitë e Xhennetit!