Tri dëshirat e çuditshme të Ebu Dherrit

I Dërguari i Allahut i pyeti një ditë sahabët e tij:
-Çfarë dëshiron, o Ebu Bekër?

Ai tha: -Unë dua tre gjëra, o i Dërguari i Allahut!

Ai e pyeti cilat janë ato dhe ai iu përgjigj: -Shpenzimin e pasurisë time për ty, ndeja me ty dhe të shikoj vazhdimisht ty...

-Po ti, o Omer çfarë dëshiron?

Ai tha: -Edhe unë dua tre gjëra, o i Dërguari i Allahut: Dashurinë ndaj të vërtetës, të them të vërtetën dhe të ndaloj nga e keqja.

-Po ti, o Osman?

Ai tha: -Unë dëshiroj dhënien e ushqimit, shpërndarjen e selamit dhe faljen e namazit natën kur njerëzit flenë.

-Po ti, o Ali?

Ai tha: -Unë dëshiroj respektimin e mysafirit, agjërimin gjatë ditëve të verës dhe të vras armiqtë me shpatë.

Po ti, o Ebu Dherr?

Ai tha: -Unë dua gjëra të çuditshme!

I Dërguari i Allahut alejhi selam e pyeti atë: -Cilat janë ato?

Ai iu përgjigj: -Unë e dua urinë, e dua sëmundjen dhe e dua vdekjen?!...-

I Dërguari i Allahut alejhi selam i tha: -Këto nuk i don askush?

Ai iu përgjigj: -O i Dërguari i Allahut, unë kur uritem më zbutet zemra, nëse sëmurem me pakësohen mëkatet dhe nëse vdes do të takoj Allahun tim.

Pershtati: Valdet Kamberi