1. Ta arrijmë kënaqësinë e Allahut të Lartësuar.

2. Pasimi i Muhamedit alejhi selam.

Aishja, Allahu qoftë i kënaqur me të, ka thënë: “I Dërguari i Allahut agjëronte të hënave dhe të enjteve.” (Transmetojnë Tirmidhiu, Nesaiu, Ibën Maxheh. Shejh Albani ka thënë: Hadithi është sahih.)

3. Të na largojë Allahu fytyrat tona nga zjarri i xhehenemit 100 vite

Muhamedi alejhi selam ka thënë: “Kush agjëron një ditë për Allahun, Allahu ia largon fytyrën e tij nga zjarri i xhehenemit 100 vite.” (Es-silsiletu-sahihah 6\ 2565.)


4. Që Allahu të bëjë mes teje dhe zjarrit një hendek si mes qiellit dhe tokës

Muhamedi alejhi selam ka thënë: “Kush agjëron një ditë për Allahun, Allahu do të bëjë mes zjarrit dhe atij një hendek sikur mes qiellit dhe tokës.” (Hadithi është hasen, Es-silsiletu-sahihah 2\563.)


5. Të ndërmjetësojë agjërimi për ty në Ditën e Gjykimit

Muhamedi alejhi selam ka thënë: “Agjërimi dhe Kur’ani ndërmjetësojnë në Ditën e Gjykimit. Agjërimi thotë: “O Zot, e kam ndaluar nga ushqimi dhe epshi, më bëj të ndërmjetësoj për atë", e Kur’ani thotë: “E kam ndaluar nga gjumi gjatë natës, më bëj të ndërmjetësoj për atë.” Dhe kështu ndërmjetësojnë." (Zinxhiri është i saktë. Transmeton Imam Ahmedi 2\174.)

6. Do të hysh nga dera Er-Rejan në Ditën e Gjykimit

Muhamedi alejhi selam ka thënë: “Në xhenet është një derë që quhet Er-Rejan, nga ajo hyjnë në Ditën e Gjykimit vetëm agjëruesit dhe nuk do të hyjë askush tjetër pos tyre. U thuhet: “Ku janë agjëruesit?” Ngrihen dhe askush pos tyre nuk mund të hyjë. E kur hyjnë, mbyllet dhe nuk hyn askush.” (Transmetojnë Buhariu dhe Muslimi.)

7. Me shpresë se do ta mbyllësh ditën duke qenë agjërueshëm dhe të hysh në xhenet

Muhamedi alejhi selam ka thënë: “Kush vdes duke agjëruar, do të hyjë në xhenet.” (Transmeton Bezzari, hadithin e ka vërtetuar shejh Albani, Allahu e mëshiroftë, në Sahihul-xhami 6224.)

8. Të ngrihen punët e tua duke qenë agjërueshëm

Usame b Zejdi, Allahu qoftë i kënaqur me të, ka thënë: “E kam parë të Dërguarin e Allahut që agjëronte të hënën dhe të enjten dhe e kam pyetur. Më tha: "Vërtet veprat i shfaqen Allahut ditën e hënë dhe të enjte dhe dua që ato të ngrihen duke qenë unë agjërueshëm.” (Transmeton Buhariu.)

Përktheu: Valdet Kamberi