Pyetja:

Sa jepet zekat në para, p.sh kemi 2500 euro dhe ka kaluar 1 vit apo më shumë që janë pa shpenzuar prej tyre dhe a kam të drejtë t’ia jap ndonjë të afërmi apo është e preferuar në bashkësinë islame t’i dërgoj?

Përgjigjja:

Falënderimet i takojnë  Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë  ata që ndjekin rrugën e tij deri në Ditën e Gjykimit!

Zekati jepet 2.5% e parave që posedon nëse ato para e arrijnë vlerën e 85 gramëve të arit.

Në rastin tënd ti i paske 2500 euro, për këto para duhesh të japësh 62.5 euro.

Për kategoritë se kujt lejohet t’i jepet zekati, Allahu i Lartësuar thotë: “Allahu caktoi obligim që lëmosha (zekati) t’ju takojnë vetëm: të varfërve (nevojtarëve), të ngratëve (që s’kanë fare), punonjësve (që e tubojnë), atyre që duhet përfituar zemrat (të dobëtëve në besim), e duhet dhënë edhe për lirim nga robëria, të mbyturve në borxhe, (luftëtarëve) në rrugën e Allahut dhe atij që ka mbetur në rrugë. Allahu e di gjendjen e robërve, punon sipas urtësisë së vet.” (Tevbe, 60)

Nëse i afërmi juaj bën pjesë ne këto kategori, pra është i varfër etj., atëherë lejohet t’ia japësh zekatin përveç prindërve dhe gruas, përveç këtyre të gjithë të tjerëve lejohet t’ua japësh zekatin.

Eroll Nesimi