Çfarë lumturie për:

-Ebu Bekrin, kënaqësia e Allahut qoftë me të, me ajetin: “E do të mbahet larg tij (zjarrit) më i devotshmi (që ruhet nga gjynahet), që e jep pasurinë e tij, duke pastruar veten.” (Lejl, 18-19)

-Umer b. Hatabin, kënaqësia e Allahut qoftë me të, me hadithin: “Kam parë një pallat të bardhë në xhenet. Pyeta: “Për kë është ky pallat?” Më është thënë: “Për Umer b. Hatabin.”

-Uthmanin, kënaqësia e Allahut qoftë me të, me lutjen e të Dërguarit të Allahut: “O Allah, fali Uthmanit mëkatet e mëparshme dhe të mëvonshmet!”

-Aliun, kënaqësia e Allahut qoftë me të, me fjalët e Profetit: “Një burrë që e do Allahun dhe të Dërguarin e Tij dhe atë e do Allahu dhe i Dërguari i Tij.”

-Sa’d b. Muadhin, kënaqësia e Allahut qoftë me të, me fjalët e Profetit: “Është tronditur Arshi i Zotit me vdekjen e Sa’d b. Muadhit.”

-Handhalen, kënaqësia e Allahut qoftë me të: “E pastruan engjëjt e të Gjithëmëshirshmit.”

Çfarë dëshpërimi për këta

-Faraonin: “Ata do të çohen para Zjarrit në mëngjes dhe mbrëmje (në jetën e varrit) e, kur të arrijë Ora (e Kiametit), do të thuhet: “Hidhni ithtarët e Faraonit në dënimin më të rëndë!” (Gafir, 46)

-Karunin: “Ne bëmë që Karunin dhe shtëpinë e tij ti gëlltiste toka dhe askush nuk arriti që ta mbronte nga dënimi i Allahut, madje as ai vetë nuk mund ta mbronte veten.” (Kasas, 81)

-Velid b. Mugiren: “Prandaj, Unë do ta ngarkoj atë me dënime të rënda.” (Mudethir, 17)

-Umeje b. Halefin: “Mjerë për çdo përqeshës-shpifës.” (Humeze, 1)

-Ebu Lehebin: “Iu thafshin duart Ebu Lehebit dhe u thaftë në gjithçka.” (Mesed, 1)

-El As b. Vailin: “Kurrsesi! Ne do ta shënojmë atë që flet dhe do t’ia zgjasim vuajtjen.” (Merjem, 79)

Përgatiti: Almedin Ejupi