Këshilla e katërt

• Të dëbojmë nga shtëpitë tona burrat që janë femëruar

Buhariu, Allahu qoftë i kënaqur me të, në kapitullin e dëbimit-përjashtimit nga shtëpia e burrave që imitojnë gratë, raporton këtë hadith nga Ibn Abasi, i cili ka thënë: “I Dërguari i Allahut, paqja dhe mëshira e Allahut qoftë mbi të, ka mallkuar ata burra që imitojnë gratë dhe ato gra që imitojnë burrat dhe ka thënë: “Dëbojini ata nga shtëpitë tuaja.”  (Buhariu në kapitullin e veshjes, kaptina 62, el Fet’h, 10/333)

Pastaj, Buhariu përmend hadithin e Ummu Selemes nën titullin “Pse është e ndaluar për një burrë që imiton një grua të hyjë aty ku ka gra?” Thotë Ummu Seleme se një ditë ishte i Dërguari i Allahut në shtëpinë e saj dhe aty ishte prezent edhe një burrë i femëruar që po i thoshte vëllait të saj Abdullah ibn Ebu Umejes: “Nëse do Allahu që ju të fitoni nesër në Taif, unë do ta tregoj bijën e Gailanit, e cila ka katër shtresa (rrathë) të trashësisë përpara dhe tetë mbrapa”. I Dërguari i Allahut, paqja dhe mëshira e Allahut qoftë mbi të, tha: “Ky njeri të mos hyjë më tek ju.” (Buhariu kaptina 113, el-Fet’h, 9/333) 

Definicioni për meshkujt e femëruar (mukhannath) është: Ata burra të cilët i ngjajnë grave fizikisht ose i imitojnë lëvizjet dhe të folurit e tyre.

Nëse një mashkull ngjason me një femër fizikisht, mirëpo pa dëshirën e tij, ngase Allahu ashtu e ka krijuar, atëhëre ky njeri nuk fajësohet për këtë dukje. Ajo që duhet të bëjë është që të mundohet maksimalisht t’i ikë këtij përngjasimi.

Nëse ky njeri i imiton me qëllim femrat, atëherë ky quhet homoseksual, pavarësisht se a ka kryer ndonjë akt amoral apo jo.

Burri i femëruar që është përmendur në hadith i cili kishte hyrë në shtëpinë e Pejgamberit a.s. njihej si shërbëtor i vjetër, por i fuqishëm.

“...dhe robëreshave, të cilat i kanë në pronësinë e tyre, ose shërbëtorëve nga meshkujt të cilët nuk ndiejnë nevojë për femrat...” (Nur 31)

Kur i Dërguari, paqja dhe mëshira e Allahut qoftë mbi të, kuptoi se ky njeri përshkruan gratë saktësisht se si duken, atëherë ai urdhëroi që të dëbohet dhe të mos hyjë më në shtëpitë  e grave të tij për shkak të dëmit që mund të sjellë.

Çfarë të themi ne kur sot, në ditët tona shohim shumë shembuj të tillë të meshkujve që imitojnë femrat, e posaçërisht kur raste të tilla shohim edhe nëpër shtëpitë e muslimanëve? Sigurisht  se jobesimtarët lënë përshtypje të këqija te vajzat dhe djemtë tanë.

Tanimë ekziston edhe një grup tjetër i njohur si “gjini e tretë” ku meshkujt vishen si femrat dhe lyhet si ato. Çfarë fatkeqësie për një vend i cili do të duhej të njihej si umet i xhihadit!

Ebu Hurejra tregon në një hadith, ku një burrë i femëruar (homoseksual) kishte lyer duart e tij me këna (zbukurim i duarve i njohur tek gratë) dhe ishte sjellë tek i Dërguari i Allahut dhe disa i kishin thënë: “O i Dërguari i Allahut, ky njeri ka imituar gratë!” I Dërguari i Allahut kur e pa, e dëboi në një vend të izoluar të quajtur el-Beki, si dëmin i asaj që kishte vepruar dhe për t’i mbrojtur të tjerët nga e keqja e tij. Disa nga të pranishmit e pyetën të Dërguarin e Allahut: “Pse nuk e vret?” I Dërguari i Allahut u përgjigj: “Mua më është ndaluar t’i vras ata që falen.” Shënon Ebu Davudi 4928  sahih el xhami’ 2502.

Shejh Muhammed Salih el Munexhid

Përktheu dhe përshtati nga anglishtja: Toska Belegu