Pyetja:

Paqja dhe mëshira Allahut qoftë mbi ju!
Me thënë të drejtën, ia kam nisur t’i fal 5 kohët e namazit, por nuk po jam i sigurt a është e drejtë mënyra e faljes.

Kam disa pyetje rreth namazit:
1. A duhet shqiptuar nijeti me fjalë ose gojë për faljen e namazit?
2. A duhet mbajtur këmba e majtë shtrirë prej teshehudit të parë e deri në selam në fund?
3. Çfarë duhet thënë pas selamit të faljes?


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

1. Nuk vërtetohet se është e kërkuar shqiptimi i nijetit para se ta fillojmë namazin, madje kjo nuk është e preferuar. Kjo për faktin se vendi i nijetit është zemra dhe praktika e të Dërguarit salallahu alejhi ue selem dhe e sahabëve vërteton se nuk bëhet nijeti me gojë kur fillojmë faljen. Nuk kemi asnjë argument në të cilin do të mund të mbështeteshim se kjo është e lejuar e mos të themi se kjo preferohet. E kërkuar është që nijeti të bëhet vetëm me zemër dhe kjo mjafton.
Disa ulema të mëvonshëm nga shafitë dhe hanefitë, të cilët kanë ardhur pas imamëve të mëdhenj, kanë thënë se nijeti me gojë preferohet të bëhet nëse dëshirojmë të jemi më të sigurt dhe më larg vesveseve, por ky mendim nuk është i qëndrueshëm dhe është thënie që nuk ka mbështetje në mendimet e imamëve të njohur Ebu Hanife dhe Shafiu, Allahu i mëshiroftë të dy. Allahu e di më së miri!

2. Nuk po kuptojmë pyetjen tuaj kur thoni këmbën e majtë të shtrirë. Sido që të jetë, ne kemi dhënë një përgjigje të mëhershme rreth mënyrës së uljes gjatë teshehudit dhe dallimit në mes të uljes së parë dhe të dytë, kështu që mund të ktheheni aty.

http://www.klubikulturor.com/pyetje/2008/a_ka_ulje_teverruk_ne_namazin_e_vitrit_nese_falet_me_shume_se_nje_rekat.htm

3. Ndërsa në lidhje me lutjet të cilat thuhen pas namazit, do të sjellim ato lutje të cilat janë të vërtetuara nga praktika e të Dërguarit, lavdërimi dhe paqja qofshin mbi të.

Dhikri pas selamit ose pas përfundimit të farzit të çdo namazi është ky:

- Thënia: "Estagfirullah" 3 herë.

- Pastaj të themi: “All-llahume entes-selamu ve minkes-selamu tebarekte ja dhel xhelali vel-ikram”.

Gjithashtu preferohet të thuhen edhe këto lutje:
- La ilahe il-lallahu vahdehu la sherike leh, lehul mulku ve lehul hamdu ve huve ala kul-li shejin kadir.

- All-llahume la mani'u lima a'tajte ve la m'utije lima mena'te ve la jenfe'u dhel xheddi minkel xheddu.

- La ilahe il-lallahu vahdehu la sherike leh, lehul mulku ve lehul hamdu ve huve ala kul-li shejin kadir,

- La havle ve la kuvete il-la bil-lah, la ilahe il-lall-llahu ve la na'budu il-la ijjahu lehun-ni'metu ve lehul-fedlu ve lehuth-thenaul hasen.

- La ilahe il-lall-llahu muhlisinelehud-din ve lev kerihel-kafirun..

- SubhanAll-llah (33 herë), Elhamdulil-lah (33 herë), All-llahu Ekber (33 herë)

- La ilahe il-lallahu vahdehu la sherike leh, lehul mulku ve lehul hamdu ve huve ala kul-li shejin kadir.

- Leximi i Ajetul Kursisë (All-llahu la ilahe il-lahu elkajum...).

- Leximi i sures “Ihlas” (Kul huvAllahu eha).
- Leximi i sures “Felek” (Kul e'udhu bi rabill jelek).
- Leximi i sures “Nas” (Kul e'udhu bi Rabbin-nas).
Këto tri sure lexohen pas çdo namazi nga një herë, kurse pas namazit të sabahut dhe të akshamit preferohet të lexohen nga tri herë.