Pyetja:

Selamun alejkum ue rahmetullahi ue berekatuhu!
Allahu azze ve xhel ju shpërbleftë për punën tuaj dhe mundin që jepni për në rrugën e Allahut azze ve xhel.
Kam një pyetje në lidhje me emrat. Emri Suzana - në realitet ka prejardhje nga hebraishtja e vjetër dhe d.m.th. zambak - lule. Mirëpo në një libër për komentim të emrave kam lexuar se Suzan pa a në fund, e përkthyer nga arabishtja, d.m.th. djegëse ose e djegur; e zjarrtë. A do të kishit mundësi të më jepni një sqarim në lidhje me këtë emër?

 
Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Emri Suzana në gjuhën çifute ka prejardhjen prej fjalës Shushana, që nënkupton lulen e zambakut dhe si duket më e sakta është se ky emër nga kjo fjalë e ka prejardhjen.

Ndërsa ajo që thoni ju, se ka domethënien djegëse ose e djegur, nuk është nga gjuha arabe. Emri Suzana është i përhapur edhe tek arabët, por shumë pak dhe kjo fjalë nuk ka kuptim në këtë gjuhw. Thuhet se djegëse ose e djegur ka kuptimin në gjuhën persiane.

Sido që të jetë, duket se përhapja e këtij emri është për shkak të kuptimit hebraik dhe jo atij persian. Kjo është ajo që arritëm të gjejmë në lidhje me këtë emër dhe ne më herët kemi dy përgjigje rreth emrave, se çfarë kriteresh duhet të kihen parasysh dhe për më gjerësisht mund të ktheheni aty.

http://www.klubikulturor.com/A-lejohet-ti-lihet-femijes-emri-Diar-apo-Dijar.htm

http://www.klubikulturor.com/pyetje/2008/doja_tju_pyesja_per_emrat_e_dy_femijeve_te_mi.htm