“Kërkoni falje Zotit tuaj dhe sinqerisht pendohuni tek Ai. Vërtet Zoti im është Mëshirues i madh, shumë i dashur.” (Hud, 90)

“…nëse ata pendohen, do të jetë më mirë për ta, e nëse refuzojnë, Allahu i dënon me një dënim të dhimbshëm si në këtë botë ashtu edhe në botën tjetër. E në këtë rruzull të tokës nuk ka për ta as mbrojtës e as ndihmës.“ (Et-Teube, 74)

“E pse të mos pendohen dhe të kërkojnë falje tek Allahu, kur dihet se Allahu është Shumëfalës, Mëshirues i madh?” (El-Maideh, 74)

“Zoti ynë, Ti me mëshirën dhe me diturinë Tënde ke përfshirë çdo send, andaj  faljua atyre që u penduan dhe ndoqën rrugën Tënde,  edhe ruaji ata nga denimi i xhehenemit!” (El-Gafir, 7)

“Thuaj: “O robërit e Mi, të cilët e keni ngarkuar veten tuaj me shumë mëkate, mos e humbni shpresën nga mëshira e Allahut, ngase vërtet Allahu i fal të gjitha mëkatet, Ai është që fal shumë dhe është Mëshirues!” (Ez-Zumer, 53)

“A nuk e ditën ata  se Allahu është Ai që pranon pendimin e robëve të Vet, pranon lëmoshat dhe se vetëm Allahu  është Ai që  pranon shumë pendimin dhe është Mëshirues.” (Et-Teube, 104)

“(Ai) i cili fal mëkatin e pranon pendimin dhe që është ndëshkues i ashpër, por  edhe bamirës. Nuk  ka të adhuruar përveç Atij dhe tek Ai është përfundimi.” (El-Gafir, 3)

“Allahu dëshiron t’ju sqarojë qështjet e t’ju drejtojë në rrugën e atyre që ishin para jush (Pejgamberët) dhe t’ju pranojë pendimin. Allahu e di më së miri gjendjen e robërve dhe është  më i Urti.” (En-Nisa, 26)

“Allahu dëshiron t’ju pranojë pendimin e ata që ndjekin epshet e tyre dëshirojnë që ju të shmangin në tërësi (nga rruga e drejtë).” (En-Nisa, 27)

“Ne nuk dërguam asnjë të Dërguar vetëm që  me urdhrin e Allahut t’i bëhet respekt (nga njerëzit) atij. E sikur të vinin ata tek ai (Pejgamberi), pasi t'i kenë bërë zullum vetvetës, t'i kërkonin falje Allahut dhe të kërkonte për ta falje Pejgamberi, ata do ta gjenin Allahun pranues të pendimit dhe Mëshirues të madh.” (En-Nisa, 64)

“Kush bën ndonjë mëkat ose i bën zullum vetvetës, pastaj kërkon falje tek Allahu, ai e gjen Allahun falës e mëshirues.” (En-Nisa, 110)

“Përveç atij që është penduar dhe ka bërë vepër të mirë, të tillëve Allahu të këqijat ua shndërron në të mira. Allahu është Mëshirues, ndaj Ai fal shumë.” (El-Furkan, 70)

“E për sa i përket atij që është penduar, që ka besuar dhe ka bërë vepra të mira, ai le të shpresojë se është nga të shpëtuarit.” (El-Kasas, 67)

“Me përjashtim të atij që pendohet dhe beson e bën vepra të mira, të tillët do të hyjnë në xhenete dhe atyre nuk u bëhet kurrfarë e padrejte.” (Merjem, 60)

“Ndërsa ata (engjujt) që e bartin Arshin edhe ata që janë përrreth tij, e lartësojnë Zotin e tyre me falënderim, i besojnë Atij dhe i luten Atij t’i falë ata që besuan (duke thënë): “Zoti ynë,Ti me mëshirën dhe me diturinë Tënde ke përfshirë çdo send, andaj falu atyre që u penduan dhe ndoqën rrugën tënde, e edhe ruaj ata nga dënimi i xhehenemit.” (Gafir, 7)

“E kërkoni falje Zotit tuaj dhe pendohuni (kthehuni) tek Ai, se Ai do të ju begatojë me të mira (në këtë jetë) deri në një afat (të caktuar) dhe çdo punëmiri i jep shpërblimin e merituar. Në qoftë se refuzojnë (të kërkojnë falje), unë pra kam frikë për ju, denimin e Ditës së Madhe.” (Hud, 3)

“Unë u thashë: “Kërkoni falje Zotit tuaj, se Ai vërtet falë shumë, Ai ju lëshon nga qielli shi më bollëk. Ju shton pasurinë dhe fëmijët, ju bën të keni kopshte dhe ju jep lumenj.” (Nuh, 10-12)

“Nuk është pendimi (i pranueshëm) i atyre që vazhdimisht bëjnë punë të këqija dhe vetëm atëherë ku t’i vjen vdekja ndonjërit prej tyre, të thotë: “Unë tash u pendova” e as i atyre që vdesin duke qenë jobesimtarë. Për ta kemi përgatitur dënim të ashpër." (En-Nisa, 18)

“Është e vërtetë se Allahu nuk fal (mëkatin) t’i bëhet  Atij shok, e pos këtij (mëkati), të tjerat ia fal atij që dëshiron. Ai që i përshkruan shok Allahut, ai ka humbur dhe është larguar shumë (nga e vërteta).” (En-Nisa, 116)

“Pendim i pranueshëm tek Allahu është vetëm ai i atyre që e bëjnë të keqen me mosdije e pastaj shpejt pendohen; të tillëve Allahu ua pranon pendimin, se Allahu është më i Dijshmi  dhe më i Urti.” (En-Nisa, 17)

“Ti (Muhammed) përqëndrohu vendosmërisht ashtu si je i urdhëruar, e bashkë me ty edhe ata që u penduan (prej idhujtarisë), e mos i tejkaloni (kufijtë) e caktuar, se me të vertetë, Ai shikon atë që e veproni.” (Hud, 112)