Falënderimi i plotë i takon Allahut Fuqiplotë, paqja dhe mëshira e Tij qoftë mbi vulën e të gjithë Pejgamberëve, mbi familjen dhe mbi shokët e tij. Pasi po afrohet muaji i bekuar i Ramazanit, e pashë të arsyeshme t’i tuboja këto hadithe të dobëta që qarkullojnë në gjuhët e njerëzve, në librat e ndryshëm fetarë dhe në media. Këto hadithe nuk janë të vërteta, por sillen mes atyre haditheve të dobëta (daif) apo të trilluara (meudu). Duhet t’ua sqarojmë njerëzve se nuk lejohet që këto hadithe t’ia atribuojmë Pejgamberit alejhi selam. Ndër këto hadithe si më të njohurat përmendim:

“Fillimi i muajit të Ramazanit është mëshirë, mesi falje kurse fundi i tij lirim nga zjarri.” Hadithi është munker. Siç e ka përmendur Ukajli në librin e tij “Edduafa” 2/162, Ibën Adiu në “El kamil fidduafa” 1/165, në librin “Ilelul hadith” të ibën Ebi Hatimit 1/249 dhe në “Silsiletul ehadith eddaife vel meudua” 2/262 të Albanit.

“Agjëroni të shëroheni”, hadithi është daif (i dobët). Shiko “El kamil” të ibën Adiut 2/357, “Kitabushedhere fil ehadith elmushtehere” të ibën Talunit 1/479, “Kitabul fevaid elmexhmua fil ehadithil meudua” të Sheukanit 1/259, “Kitabul mekasid elhasene” të Sehavit 1/539, dhe “Silsiletul ehadith eddaife vel meudua” të Albanit 1/420.

“Kush e prish një ditë të Ramazanit pa arsye e pa sëmundje, nuk mund ta kompensojë atë edhe nëse agjëron deri në vdekje.” Daif. Shiko: “Fet-hul bari” 4/161, “Mishkatul mesabih” me tahkik të Albanit 1/626.

“Në çdo iftar Allahu liron ndokënd nga zjarri.” Hadithi është daif. Shiko: “Tenzihusheriah” të Kennanit 2/155, “Kitabul fevaid elmexhmua fil ehadithil meudua” të Sheukanit 1/257

“Sikur ta dinin njerëzit vlerën e Ramazanit, umeti im do të dëshironte që agjërimi të zgjaste tërë vitin. Vërtet xheneti zbukurohet për Ramazanin në çdo krye të vitit...” Hadithi është daif. Shiko “Kitabul meuduat” Ibën Xheuzi 2/188, “Tenzihusheriah” të Kennanit 2/153, “Kitabul fevaid elmexhmua fil ehadithil meudua” të Sheukanit 1/254.

“O Allah! Na beko ne muajt Rexheb dhe Shaban dhe na mundëso të arrijmë Ramazanin.” Hadithi është daif. Shiko “Kitabul edhkar” të Neveviut, “Mizanul I’tidal” të Dhehebiut3/96 dhe “Daiful xhami” të Albanit hadithi nr. 4395.

“O Allah! Për ty agjërova dhe me riskun Tënd po bëj iftar.” Hadithi është daif. Shiko “Hulasatul bedril munir” të Ibën Mulekkinit 1/327, “Telhisul habir” të Ibën Haxherit 2/202, “Daiful xhami’ hadithi nr. 4349.

Përgatiti: Eroll Rexhepi
18.7.2008
Vazhdon