Hadithi i 31-të

Aishja, Allahu qoftë i kënaqur me të, thotë se i Dërguari i Allahut, lavdërimi dhe shpëtimi i Allahut qoftë mbi të, ka thënë: “Kush shpik diçka të re në fenë tonë, që nuk është e saj, është e refuzuar.” (Shënon Buhariu)

Çfarë përfitohet nga hadithi:
Feja islame është fe e ndjekjes dhe jo fe e shpikjes.
Islami nuk i miraton risitë (bidatet), por nxit në pasimin e Sunetit.
Vepra e cila nuk përputhet me Sunetin e të Dërguarit refuzohet dhe njeriu nuk shpërblehet për të.


Hadithi i 32-të

Ibn Umeri, Allahu qoftë i kënaqur me të, transmeton se i Dërguari i Allahut, lavdërimi dhe shpëtimi i Allahut qoftë mbi të, ka thënë: “Ai që i përngjan një populli është prej tyre.” (Shënon Ebu Daudi dhe Ahmedi)

Çfarë përfitohet nga hadithi:
Domosdoshmëria e dallimit të muslimanit ndaj jomuslimanit.
Ndalimi i përngjasimit.
Rrezikshmëria e përngjasimit dhe ndikimi i tij te muslimani.
Islami është i lartësuar dhe nuk ka gjë më të lartë se ai.
Muslimani dallohet nga pamja e tij e jashtme.


Hadithi i 33-të

Ebu Hurejra, Allahu qoftë i kënaqur me të, transmeton se i Dërguari i Allahut, lavdërimi dhe shpëtimi i Allahut qoftë mbi të, ka thënë: “Allahu nuk shikon fizionomitë dhe pasuritë tuaja, mirëpo shikon zemrat dhe punët tuaja.” (Shënon Muslimi)

Çfarë përfitohet nga hadithi:
Rëndësia e nijetit (qëllimit) dhe pastrimi i tij vetëm për Allahun e Lartësuar.
Rëndësia e veprës së mirë pas pastrimit të nijetit.
S’është aq e rëndësishme pamja e jashtme e njeriut në Islam.
Kujdesi i vazhdueshëm në atë që e kënaq Allahun e Lartësuar.
 

Përgatiti: Almedin Ejupi
7.12.2007