Islami e nderoi gruan dhe ia bëri obligim asaj shaminë, që ta mbrojë atë nga të këqijat dhe nga sytë e njerëzve, kurse shoqërinë nga lakuriqësia.
Shamia mbjell harmoni në mes bashkëshortëve sepse kur burri sheh një grua tjetër më të bukur se gruaja e tij, raportet mes çiftit bashkëshortor fillojnë të zbehen; mund të ndodhë që kjo t’i shpjerë deri te ndarja përfundimtare për shkak të asaj gruaje të zbuluar që e mahniti burrin dhe bëri që mos ta tërheqë aspak gruaja e tij.
Gruaja apo vajza muslimane nga këndvështrimi islam i ngjan një xhevahiri shpirtëror, i cili e mbron praninë e saj larg syrit të njerëzve.
Orientalistja Fransua Saxhan, kur flet për shaminë, shprehet kështu: “O ti gruaja e Lindjes, ata të cilët të thërrasin me emrin tënd dhe ftojnë për zbulimin e kokës tënde, për emancipimin tënd dhe për barazinë gjinore në të vërtetë tallen me ty. Janë tallur me ne, gratë e Perëndimit, para se të tallen me ty.”
Fun Hermeri thotë: “Shamia është mjet mbrojtës që e bën obligim respektin ndaj gruas dhe e ngre pozitën e saj, saqë është për t’u marrë lakmi.”
 

Nga arabishtja: Musli Zymberi
18.1.2008