Pyetja:

Eselamu alejkum ue rahmetullahi ue barekatehu!
Lëngu el-medhij a e prish agjërimin dhe a duhet që pas rrjedhjes së këtij lëngu të lahet organi apo mjafton që vetëm tesha të lahet?


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Lëngu el-medhij nuk e prish agjërimin, mirëpo prish abdestin. Nëse një personi i del ky lëng, atëherë duhet ta lajë organin gjenital dhe të marrë abdest e nuk është i detyruar të marrë gusël. Argument për këtë është hadithi i Pejgamberit salallahu alejhi ue selem, që transmetohet nga Aliu, Allahu qoftë i kënaqur me të: “Kam qenë një person që më ka dalë shumë shpesh lëngu i bardhë (nga organi gjenital) dhe i kam thënë Mikdadit që ta pyesë

Pejgamberin salallahu alejhi ue selem për këtë. Pejgamberi salallahu alejhi ue selem i ka thënë: “Duhet të marrësh abdest.” (Buhariu dhe Muslimi)

Po ashtu duhet pastruar rroba ku ka prekur ky lëng. Pastrimi i saj bëhet duke e lagur dorën me ujë dhe duke fërkuar me dorën e lagur vendin në të cilën gjendet lëngu el-medhij apo mund ta lash me ujë pjesën e bërë me medhij.