Pyetja:

Selam alejkum!
Kam një pyetje për ju. Pasi kam bërë nikahun me të fejuarën time, kemi caktuar mehrin, me mësim përmendësh të një sure të gjatë të Kuranit. Unë ende nuk e kam mësuar, por ja që janë paraqitur disa mospajtime dhe po duhet të shkurorëzohemi. Tani si shkon puna e mëtejme e metrit? Çfarë duhet t’i jap asaj?


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Nëse ju jeni pajtuar se mehri është mësimi i një pjese të Kuranit dhe gruaja është pajtuar në këtë, atëherë në këtë rast, nëse ndodh shkurorëzimi, nuk mendojmë se keni ndonjë obligim që t`ia shpaguani. Kjo për faktin se e drejta e gruas ishte që ju t`ia mësoni këtë pjesë nga Kurani, por pasi të ndodhë shkurorëzimi, atëherë kjo nuk mund të realizohet. Sido që të jetë, nëse pjesa e Kuranit është e gjatë, atëherë ju obligoheni t`ia paguani mësuesin, i cili do t`ia mësojë këtë pjesë të Kuranit. Allahu e di më së miri!