Pyetja:

Sot isha deri te mjeku dhe më rekomandoi një spray për hundët për një javë rresht dhe pika për veshët po ashtu për një javë rresht.
Ajo që më brengos është se a e prishin agjërimin këto lloj medikamentesh a jo? Nëse jo, atëherë është ne rregull gjithçka? Nëse po, atëherë si duhet të veproj pas ndërprerjes së këtyre medikamenteve?
Zoti ju shpërbleftë me shpërblimet më të mira!


Përgjigjja:

Alejkum selam ue rahmetullahi ue berekatuhu!

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Spray-t që përdoren për hundë, nëse depërtojnë në stomak, atëherë e prishin agjërimin pasi ato duhet të gëlltiten dhe gjatë agjërimit nuk lejohet të përdoren, kurse pasi të bësh iftar të lejohet përdorimi i tyre.
Kurse nëse nuk depërtojnë në stomak (nuk i përpin apo nuk të shkojnë në fyt), atëherë lejohet përdorimi i tyre.