Pyetja:

Selam alejkum hoxhë i nderuar! E kam një pyetje që ka të bëjë me ajetin numër 47 të sures Rrum, ku Allahu thotë: “...Obligim Yni ishte të ndihmojmë besimtarët.”
Pyetja ime është: A vlen kjo ndihmesë edhe për ne tash si besimtar ndihma e Allahut, se ajeti po thotë se ka qenë?
Pyetja e dytë është: Pse Allahu po e quan veten në shumës, Yni?
Selam alejkum!


Përgjigjja:

   Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

1. Allahu i Lartësuar thotë: “Ne edhe para teje popujve të tyre u dërguam Pejgamberë dhe ata u erdhën atyre me argumente të qarta, e kundër atyre që bën krim, Ne ndërmorëm masa ndëshkuese. Obligim Yni ishte të ndihmojmë besimtarët.” (Rrum, 47)

2. Ndërsa në lidhje me përdorimin e shumësit për Allahun e Lartësuar, “Ne”, ose “Yni” në disa vende në Kuran themi se në gjuhën arabe kjo formë e përdorimit të shumësit për njëjës është e njohur dhe e pranuar. Gjithashtu komentuesit theksojnë se në Kuran përdoret shumësi për Allahun e Lartësuar për të vërtetuar madhërinë dhe fuqinë absolute të Tij. Allahu e di më së miri!
 

Alaudin Abazi
20.6.2008