Pyetja:

Selam alejkum! Përshëndetje nga Llukmani. Desha t’ju pyes se ku mund të gjej “Mevludin” e lindjes së Pejgamberit në gjuhën shqipe. Faleminderit për mirëkuptimin tuaj.


Përgjigjja:

   Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen, mbi shokët dhe mbi të gjithë ata që ndjekin rrugën e tij deri në Ditën e Gjykimit.
   Nuk kemi ndonjë informatë se ku mund ta gjeni atë që kërkoni, por në këtë rast themi se kremtimi i ditëlindjes së Muhamedit salallahu alejhi ue selem nuk është ndonjë rit i cili kërkohet të kryhet nga muslimanët. Madje e vërteta është që ne muslimanët do të duhej të merreshim me adhurime dhe rite të cilat na i ka urdhëruar Allahu i Lartësuar në Kuran dhe na i ka sqaruar Muhamedi salallahu alejhi ue selem në hadithe. Nëse arrijmë t`i kryejmë këto, atëherë kjo do të ishte e mjaftueshme dhe çdo adhurim që do t`i shtohej kësaj do të ishte jo i drejtë dhe jo i qëlluar.
   Kurse ajo që do të ishte e domosdoshme për muslimanin karshi të Dërguarit, bekimi dhe paqja qofshin mbi të, krahas kryerjes së suneteve të tij është edhe njohja e historisë së tij, se si ka jetuar dhe çfarë i ka ndodhur gjatë përcjelljes së shpalljes, që ta ketë atë shëmbëlltyrë të jetës. Kjo më së miri dhe më së qarti kuptohet duke lexuar librat që flasin për jetën e tij. Për fat të mirë libra të tillë në gjuhën shqipe ka mjaft dhe ata gjenden në çdo vend që gjendet literatura islame.
 

Alaudin Abazi
11.4.2008