Pyetja:

Selamu alejkum ue rahmetullahu ue bereketuhu!
Doja t'ju pyesja diçka në lidhje me mahremin. Nëse femra nuk ka kujdestar, p.sh. babain, vëllanë, burrin, dajën ose axhën, a e ka të lejuar të udhëtojë me nënën e saj ose motrën, pasi nuk ka asnjë tjetër? A ka ndonjë zgjidhje?
Allahu ju shpërbleftë për kontributin tuaj!


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Duhet të kemi parasysh se mahrem i femrës nuk mund të jetë ndonjë grua tjetër, por mahrem duhet të jetë njëri nga meshkujt e afërm të gruas, me të cilin asaj nuk i lejohet të martohet.

Nëse femra nuk ka të afërm dikë nga personat që mund të jenë mahrem të femrës dhe është e detyruar që të udhëtojë për arsye të ndryshme, atëherë lejohet ta bëjë këtë edhe pa mahrem, por me kusht që ajo të jetë e detyruar ta bëjë këtë. Gjithashtu është më primare që në këtë rast të mos udhëtojë e vetmuar, por të udhëtojë e shoqëruar me dikë nga të afërmet.
 

Alaudin Abazi
1.8.2008