Vetëdija fetare

“Lexo në emër të Zotit tënd që të krijoi” ishin fjalët e para që sipas fesë Islame i zbritën nga Zoti të dërguarit të fundit në tokë Muhamedit.  

     Të kërkuarit e dijes është detyrë e çdo muslimani sipas Islamit, Muhamedi kishte thënë”përpjekja për dije është detyrë e çdo muslimani” d.m.th këtu përfshihen edhe muslimanët, edhe muslimanet.

    Mund të themi se ka dallime për arsye se ka njerëz që e kanë pranuar Islamin sikurse edhe çështjet e tjera fetare apo edhe shkencore në mënyrë jo kritike, kjo nuk ndodhë me muslimanët të cilët zbatojnë Islamin në mënyrën si Zoti ka urdhëruar në Kuran dhe të cilët bëjnë krahasime e mendojnë në mënyrë kritike për të gjitha çështjet e edhe ato fetare.

    Sipas Islamit njerëzit duhet të kërkojnë dijen dhe të jenë të vetëdijshëm për atë që besojnë, të mos besojnë në mënyrë të verbër. Kjo do të thotë se gratë dhe burrat në Islam kanë vetëdije të ngritur fetare.

Pozita e gruas në Islam

    Mendime të shumta janë dhënë për trajtimin e gruas në fenë Islame, por çfarë ndodhë me të vërtetë mund të zbulohet vetëm nëse bëjmë një hulumtim më serioz se si me të vërtetë Islami e trajton gruan, çfarë pozite i jep asaj në shoqëri.

    Disa mendojnë se feja Islame nuk i jep  pozitën e duhur gruas në shoqëri dhe duan ta trajtojnë veten si njerëz që duhet të punojnë për lirimin e gruas për arsye se asaj i mungon liria dhe ka nevojë të emancipohet.

    Nëse futesh më thellë në librat që trajtojnë temën e pozitës së gruas në fenë Islame atëherë mund të flasim për trajtimin e vërtetë të gruas në Islam, kjo bëhet më së miri edhe përmes shpjegimeve të ajeteve të Kuranit, librit të shenjtë të muslimanëve.

Njeriu dhe ndarja në gjini

    Njeriu është themeli i çdo civilizimi, por njëkohësisht është edhe ndërtues i civilizimit. Njeriu ndahet në dy gjini mashkull dhe grua.

    Gruaja në fenë Islame së pari është njeri sikurse edhe burri dhe të dy kane një orgjinë d.m.th njeri. Atëherë si mund të trajtohen ne mënyrë të pabarabartë dy lloje që dalin nga e njëjta origjinë. Këto dy lloje me të vërtetë janë të ndryshme dhe secili ka rëndësinë e vet në shoqëri. Sipas Islamit Zoti me të vërtete ju dha role të veçanta secilit, burrit si burrë dhe gruas si grua, dhe se asnjëri nuk duhet të dëshirojë të jetë si tjetri.

"I mallkoi Zoti ata burra që iu përngjajnë grave, por edhe ato gra që ju përngjajnë burrave. 1" Kjo është e rëndësishme pasi që Zoti sipas Islamit gjithçka krijoi në çift kjo bëri që njerëzit të shumohen por edhe gjallesat e tjera dhe të ekzistojë bota në vazhdimësi. Një gjë perfekt ku secili e ka detyrën apo rolin e vet dhe nëse do të përziheshin atëherë bota të shuhej shumë shpejt. Kjo përzierje rolesh është një dukuri që ka filluar të ndodhë nëpër vende jo Islame ku janë përhapur sëmundje të ndryshme e gjëra tjera negative. Islami është ai që e ndaloi rreptësisht këtë.

    Nëse shikon nga ana psikologjike atëherë thuhet se më së miri është të jemi vetja jonë pa dashur të identifikohemi me të tjerët ose edhe të tjetërsohemi

    Institucionet e quajtura grua dhe familje(në fenë Islame)

    Gruaja dhe familja janë dy institucione të cilat drejtpërsëdrejti e kushtëzojnë ekzistencën e njëra tjetrës. Gruaja e arrin vlerën e vetë të plotë në familje, kurse familja as që mund të ekzistojë dhe të ketë kuptim pa praninë e femrës.(siç kemi rastet kohëve të fundit në civilizimin perëndimor, legalizimi i martesave në mes gjinive të njëjta).

    Këto dy elemente janë bazë e një shoqërie njerëzore të cilat kanë aq shumë rëndësi, sa që prej tyre në masë të madhe ndikohet niveli moral, kulturor, arsimor e edukativ i një populli në tërësi. Mu për shkak të kësaj rëndësie që ka, emri “nënë” pas emrit “Zot”, është fjala dhe koncepti më i bukur që ekziston. Prej saj buron butësia e ndjenja e fortë e besnikërisë. Është himni i bukurisë së jetës dhe dashurisë. Ajo në këtë mënyrë paraqet dashurinë hyjnore në përbërje trupore. 

Çështjet më të ndjeshme dhe të diskutueshme për gruan në Islam

    Nëse preket çështja e gruas në Islam atëherë gjithmonë bëhen krahasime edhe me religjionet tjera dhe me trajtimin e gruas në përgjithësi në shoqërinë tone.

Një argument shumë i rëndësishëm që mund të jepet për këtë krahasim është se gruaja në Kuran nuk është fajtore për gabimin e parë të Ademit dhe se të dy kishin njësoj faj në mosbindjen e tyre ndaj Zotit, ata të dy gabuan, u penduan dhe u falën nga Zoti. Kjo shpjegohet ndryshe në librat tjerë të religjioneve tjera.

    Veshja e gruas (mbulesa që kanë gratë me përkatësi muslimane) e bën atë më të dallueshme nga gratë e tjera të shoqërisë. Por çka është me të vërtetë mbulesa e gruas për të cilën Zoti i urdhëroi muslimanët në Kuran dhe për çfarë arsye Islami kërkon që gratë të mbulohen?

    Arsyet janë shumë të thjeshta dhe po ashtu reale kur dimë se shumë mosmarrëveshje të vogla ose të mëdha e ndonjëherë edhe tragjike vijnë nga të zbuluarit e trupit të gruas që bën burrat t’a shikojnë e të vrapojnë pas saj. Kjo bën që burri të zemërohet me gruan, të kacafytet me te tjerët, në anën tjetër prishen familje nga pakënaqësia etj.

    Islami në fakt e ka respektuar gruan duke e vlerësuar atë edukatore e brezave të njerëzimit, dhe një shoqëri është e emancipuar nëse  ka gra të emancipuara , ajo po I edukon fëmijët dhe me këtë po edukon breza të tërë. Prandaj e ka caktuar mbulesën duke e ruajtur atë nga keqbërësit dhe shoqërinë e tërë nga të këqijat që do të mund të bëheshin për shkak të saj.

    Është pjesë e historisë së arabëve (nga edhe vjen feja Islame) që t’i i dallonin femrat nga meshkujt ose edhe i varrosnin ato të gjalla sa lindin, gjë  që me shpalljen e Kuranit u kritikua dhe u ndalua.

Muhamedi dhe Kurani po ashtu i mëson muslimanët që të mos t’i obligojnë vajzat e tyre të martohen me ata që ato nuk duan dhe ishte vet Muhamedi që i tha një besimtareje se nëse ajo nuk dëshironte ta merrte burrin që i ati kishte zgjedhur për të ajo mund të refuzonte, pasi që ajo që më parë u ankua për këtë.

    Feja Islame është ajo që po i kërkon gruas të qëndrojë në veten e vet dhe të mos dëshirojë të marr rolin e tjetrit se po të ishte ashtu nuk do të krijoheshin dy gjini por vetëm një sepse nuk do të kishte nevoje për gjininë tjetër pasi që njëra do të mjaftonte për gjithçka që në fakt kryhet nga të dy gjinitë. Kjo do të thotë se gruaja po krijon një personalitet të pjekur të saj, të pavarur. Mjafton të potencohet pohimi Islam se “Xheneti gjendet nën këmbët e nënës” për të kuptuar rëndësinë që i ka dhënë Islami gruas.

    Bazuar në librat e fesë Islame dhe në jetën e përditshme të grave muslimane mund të konkludojmë se gruaja në fenë Islame është personi që më së shumti i kushtohet rëndësi duke përsëritur pohimin Islam “Xheneti gjendet nën këmbët e nënës”.

Kjo është një qasje që muslimanët kanë për gruan e fesë së tyre. Rëndësia mund të kuptohet shumë mirë kur e dimë kuptimin e fjalës Xhenet(parajsë) për muslimanët. Të tjerët edhe pse me ekzistimin e gjithë këtyre fakteve dhe të dhënave për  gruan në Islam vazhdojnë të keqkuptojnë pozitën e saj duke e konsideruar atë shpesh edhe si robëreshë të burrit. Në disa raste problemi fshihet në moskuptimin e shëndoshë të burimeve themelore islame, të manifestuara në Kuran dhe Sunet (fjalët dhe veprat e preferuara të Muhamedit). Gjithashtu problemi fshihet edhe te traditat e shumta që kanë mbizotëruar në familjet tona e të cilat në fakt nuk kanë të bëjnë me Islamin.

    Gjendja e muslimanëve në botë mund të lejojë hapësirë edhe për keqkuptimin e rolit dhe rëndësisë së gruas në fenë Islame, por sikur çdo shoqëri edhe ajo muslimane ka përjashtimet e saj. Është për të ardhur keq për përgjithësimet dhe paragjykimet që i bëjnë njerëzit për Islamin dhe muslimanët kur krejt çka shoqëria e mirëfilltë muslimane po kërkon është paqe dhe qetësi për të adhuruar Zotin e tyre, dhe paqe e qetësi midis njerëzve. Është ë njohur përshëndetja Islame”paqja dhe shpëtimi i Zotit qofshin mbi ju.”

1.Ajet Kuranor

Përgatiti: Adelina Kadriu

Shënim:

Kjo temë është publikuar në një rubrikë  të lirë dhe materialet që publikohen në të  nuk do të thotë se përputhen kurdoherë me ato që redaksia e Klubit Kulturor i di për të vërteta.