Pyetja:

A e prishin agjërimin pikat që hidhen në sy?

Përgjigja:

Është vend diskutimi në mes dijetarëve duke u bazuar tek syri a është, syri grykë qarkullimi, i cili përcjell  për në brendësi të trupit  apo nuk është grykë qarkullimi?  Prej tyre ka që e lejojnë the thonë se syri nuk është grykë qarkullim dhe prej tyre ka që thonë se syri është grykë qarkullimi përcjellës. Me argument se nëse e vendos një pikë në sy e gjen shijen e saj në fyt. Ky është argument i tyre që syri është grykë qarkullimi dhe duke u bazuar në këtë thonë se e prish. Çështja është dilemë mes dijetarëve dhe në këto çështje muslimani obligohet t’i largohet asaj që ka dilemë dhe të dalë nga kjo duke marrë rezervat, ngase pikat nuk janë të detyrueshme, por nëse janë të detyrueshme patjetër gjatë ditës së Ramazanit e merr duke pas kujdes që mos t’i shkoj në brendësi të trupit, nëse e gjen shijen e saj të mundohet që ta kthejë dhe ta ndërpresë kalimin e saj në fyt. Kjo nëse e ka patjetër, e nëse jo, e vonon përdorimin e saj deri në mbrëmje.

Marrë nga Libri:“Fetva të fikhut rreth çështjeve mjekësore të Ramazanit” nga dijetari i mirënjohur Shejh Salih Feuzan (Allahu e ruajt!)

Përktheu: Rashid Zulfiu

11.10.2006