Pyetja:

Përgjigja:

Gusli apo pastrimi i trupit së bashku me hundën dhe gojën është i obliguar në këto raste:

1.Dalja e spermës me epsh duke qenë i zgjuar, kurse nëse ndodh kjo në gjumë, atëherë duhet të marrim gusul pa marrë parasysh ka qenë kjo me epsh apo pa epsh, për shkak se dalja e spermës në gjumë mund të ndodh e që mos ta ndiejmë atë.

2.Mardhëniet intime, mirëpo këtu duhet patur parasysh se gusli bëhet i obliguar atëherë kur organi i mashkullit futet në organin e femrës, kurse nëse ndodh që organet vetëm preken, atëherë gusli nuk është i obliguar.

Gjithashtu këtu duhet patur parasysh se nëse ndodh kjo formë e mardhënieve (futet organi i mashkullit në organin e femrës) dhe nuk bëhet ejakulimi (derdhja e spermës) gusuli është i detyruar.

3.Gruaja pas përfundimit të menstruacioneve e ka të obliguar pastrimin.

4.Gruaja e cila i përfundon ditët e lehonisë (pas lindjes).

Për këto katër raste fukahatë (juristët islam) në përgjithësi janë të pajtimit se është e obliguar gusuli dhe për secilën ka argumente të qarta nga Kurani dhe suneti, por nga frika e zgjerimit nuk i kemi përmendur.

Ekzistojnë edhe dy raste ku disa dijetarë kanë thënë se gusli është obligim.

1.Vdekja. Disa dijetarë kanë thënë se kur njeriu vdesë para varrimit është obligim të pastrohet, duke argumentuar se Resulullahu (Paqja dhe bekimi qofshin mbi të!) i urdhëroi shokët e tij ta pastrojnë personin i cili kishte vdekur në haxh, pastaj edhe rasti kur i urdhëroi disa gra që e pastronin bijen e Profetit (salallahu alejhi ve selem) se ta pastrojnë ate tre, pesë, apo shtatë herë. (Buhariu dhe Muslimi)

Prandaj themi se vdekja është shkak që detyron guslin, porse detyrimi në këtë rast kthehet tek të gjallët, sepse i vdekuri nuk ka detyrime prej çastit të vdekjes së tij, por të gjallët e kanë detyrim që t`i lajnë të vdekurit e tyre, sepse Resulullahu (salallahu alejhi ue selem) ka urdhëruar kështu.

2.Islami. Kur njeriu e pranon Islamin dhe bëhet musliman, disa nga dijetarët kanë thënë se ai e ka obligim të pastrohet duke argumentuar me hadithin e Kajs Ibën Amirit se Resulullahu (Paqja dhe bekimi i Allahut qofshin mbi të!) e urdhëroi atë pasi e pranoi Islamin të pastrohet (Transmetuan: Ebu Daudi, Nesaiu, Tirmidhiu, Ahmedi dhe Shejh Albani e cilëson hadithin si të saktë.)   

Disa të tjerë kanë thënë se nuk është obligim, por është sunet, duke sqaruar se nuk ka ndonjë urdhër të përgjithshëm në këtë, pasiqë shumë nga sahabët e pranonin Islamin dhe nuk i urdhëronte Profeti (Paqja bekimi i Allahut dhe qofshin mbi të!) të marrin gusël. Sidoqë të jetë në këtë rast ka mospajtim te dijetarë dhe dispozita sillet rreth, obligueshmëris apo se ajo është e preferuar. Allahu e di më së miri.

Alaudin Abazi

13.02.2006