Pyetja:

Unë kam shkuar në xhami, jam falur, por tani nuk mundem as të falem, as të them sure para se të fle. Nuk e di ku qëndron arsyeja edhe pse unë e dua shumë fenë islame. Jam shumë e merakosur dhe dua të di se ku është problemi?

Përgjigja:

Falenderimet i takojnë Allahut, paqja dhe bekimet e Tij qofshim mbi të dërguarin e Tij Muhamed, mbi familjen, shokët dhe të gjithë ata që ndjekin rrugën e tij deri në Ditën e Gjykimit

Motër e nderuar,

Së pari, ju përshëndes dhe lus Allahun e Lartësuar t’ju mbrojë nga të këqiat e vetes dhe të shejtanit, t’ju begatojë juve me bagatinë e pendimit dhe t’ju forcojë në këtë rrugë. Amin!

Ne themi se vërtetë ju duhet të merakoseni për këtë gjendje, ngase nuk është për t’u lavdëruar në asgjë. Njeriu pasi të begatohet me udhëzim dhe fillon rrugën e hajrit pastaj e shpërfill atë dhe tërhiqet, vërtetë ky është një realitet që ju duhet ta ndryshoni menjëherë. Ju këshillojmë që të ndërmerrni hapa të shpejta dhe konkrete, pasiqë sa më shumë që të vonoheni aq më shumë do të jetë i vështirë kthimi juaj.

Së pari, ju duhet t`i thyni pengesat që po ua vëndosë shejtani, duke filluar nga përtesa, harresa, marrja me punë që ju bën juve që mos t’i kushtoni kohë adhurimit dhe kthimit te Krijuesi juaj.

Gjithësesi duhet të gjeni shoqëri nga femrat muslimane të cilat do të ndihmojnë ty për këtë gjendje dhe që ju të mundeni të jeni të lirë të trajtoni problemet që të preokupojnë.

Për të mos e zgjatur më shumë themi se ju duhet patjetër të ndaleni me vetvetën tuaj dhe të kuptoni se kush është ai që humb në këtë gjendje.

Motër e nderuar! Vërtetë Allahu i Lartësuar të begatoi ty me shumë të mira, të dha shëndet, e bëri të pastër trupin tënd nga të metat, ti dha të gjitha ato të mira që nuk mund të numrohen. Allahu i Lartësuar thotë: “...Ju edhe në qoftë se përpiqeni t'i numëroni të mirat e Allahut nuk do të mund të arrini t'i përkufizoni (në numër). Vërtet, njeriu është i padrejtë dhe shumë përbuzës.” (Ibrahim, 34)            

Kurse ti nuk gjen kohë gjatë tërë ditës dhe tërë natës një moment t`i përkushtohesh Atij, në Dorën e të Cilët është çdo gjë dhe kthimi i çdonjërit nga ne është tek Ai, atë ditë kur nëna e braktisë fëmijën e saj dhe fëmija ikën nga nëna dhe babai, kur shoku largohet nga shoku i tij më i ngushtë, kur burri ikën nga gruaja, atë ditë kur të gjithëve u bëhet e qartë se çfarë kanë punuar dhe çfarë ka qen e duhur të bëjnë.

Prandaj ju këshilloj që ta ndërpreni këtë formë të jetës që tani dhe të hapni një faqe të re dhe të filloni një jetë që të jetë për ju frytëdhënëse në këtë botë dhe në botën tjetër.

Alaudin Abazi

10.04.2006