Pyetja:

Jam një student dhe kam dy motra në klasë, njëra është e fejuar, kurse tjetra jo dhe të dyja janë muslimane të mira. Një ditë bisedova me ate të fejuarën dhe i thashë se jam i interesuar që teë kem një lidhje serioze me motrën tënde, ajo më tha se nuk mundet. Me sa me duket, ka dyshimtek unë, sepse një ditë me tha se ty të ka pëlqyer një tjetër më heret e tani motra ime dyshonte se më heret vet ajo më ka pëlqyer, gjë që s’është e vërtetë, sepse të gjitha gjestet që i kam bërë ndaj saj kam pas vetem një qellim që ta mësojë Islamin mirë dhe se i pata dhënë disa libra islam. Tani, çfarë hapash duhet të marr dhe si ta dëshmoj këtë?

Përgjigja:

Vëlla i dashur, lus Allahun e Lartësuar që të bëjë shkaktar për udhëzimin e të tjerëve, të të jap ty sukses, pjekuri dhe të ruaj nga të këqijat e vetvetes. Gjithashtu, e lus Atë të të jap ty sinqeritet ne thënie dhe vepra.

Porosia jonë për ty do të ishte që ju të keni kujdes rreth sjelljeve tuaja. Është e vërtetë se simpatia  të cilën e paskeni fituar për atë vajzën është rezultat i kontakteve që keni patur me të. Ne edhe në përgjigjet e mëparshme rreth problemeve te ngjashme kemi theksuar se muslimanit nuk i lejohet të fillojë asnjë kontakt praprak me vajza të huaja.

 Unë nuk kuptova drejt se ju çfarë mendoni me “lidhje serioze” që e keni cekur në mesazh. Nëse mendoni me këtë martesën, atëherë themi se për t’u realizuar një martesë, patjetër duhet të kemi pajtueshmëri nga të dy anët (vajza dhe djali), duke mos e lënë anash edhe mendimin e familjeve, posaçërisht familjes së vajzës, pasi prindi është përgjegjësi i saj dhe pajtimi i tij është kusht për validitetin e kurorës. Prandaj, themi se ju, pa humbur kohë, të vërtetoheni në këtë që mendoni dhe të vërtetoheni se vajza a është e interesuar që të martohet me ju. Në qoftë se po, atëherë menjëherë filloni procedurat e nevojshme për t’u fejuar me të. Në qoftë se jo, atëherë juve duhet të jeni sa më larg nga ajo dhe mos lejo që shejtani të luaj me ty, ashtu siç ka arritur t`i mashtrojë edhe ata që kanë qenë edhe më të devotshëm dhe më të fortë se ty.

Nëse mendoni me “lidhje serioze” që ju të mbani çfardo lloj kontakti, pa marrë parasysh çfarë peshe ka ajo në shoqërinë tonë e që nuk nënkupton martesë apo fejesë, atëherë ne vetëm përsërisim atë që e kemi thënë disa herë se Islami ndalon çfardo kontakti apo lidhje ndërmjet mashkullit dhe femrës së huaj, jashtë martesës dhe të gjitha këto konsiderohen të ndaluara. Allahu e di më së miri.

Alaudin Abazi

01.01.2005