Pyetja:

A lejohet biseda me një vajzë në internet për fejesë?

Përgjigja:

Falenderimet i takojnë Allahut, paqja dhe bekimet e Tij qofshim mbi të dërguarin e Tij Muhamed, mbi familjen, shokët dhe të gjithë ata që ndjekin rrugën e tij deri në Ditën e Gjykimit.

Për problemin që ju na pyesni jemi përgjigjur në një nga pyetjet e më herëshme dhe aty e kemi sqaruar detajisht këtë çështje dhe dispozita është e njejtë si për vajzat, ashtu edhe për djemtë. Prandaj, ju këshillojmë të lexoni përgjigjen këtu:

http://www.klubikulturor.com/A-e-kam-te-lejuar-te-hyj-ne-internet.htm

Por, këtu dua ta konkretizoj edhe atë që përmendët ju në pyetje, nëse është qëllimi për fejesë. Interneti nuk është formë me të cilën muslimani duhet ta gjejë partneren e cila do ta shoqërojë gjatë jetës së tij. Ne themi se kjo formë është e gabuar dhe është një derë që në vete ka dëme të shumta. Prandaj, ju këshilloj nëse jeni të interesuar të martoheni, atëherë zgjidhni derën apo formën e saktë e cila është e njohur dhe në të nuk ka kurrfarë rreziku.  Allahu e di më së miri.

Alaudin Abazi

13.02.2006