Pyetja:

Përgjigja:

Falenderimet i takojnë Allahut, paqja dhe bekimet e Tij qofshim mbi të dërguarin e Tij Muhamed, mbi familjen, shokët dhe të gjithë ata që ndjekin rrugën e tij deri në Ditën e Gjykimit.

Shpuarja e veshëve më shumë se një here, disa prej dijetarëve bashkëkohorë e shohin se është e urryer (mekruh).

Vërehet se shkaku se pse anojnë në këtë qëndrim është se mund të jetë qëllimi në këtë ngjasimin e ndonjë këngëtareje, artisteje apo edhe pabesimtarëve në përgjithësi.

Prandaj, nëse ky është qëllimi, padyshim, se kjo është e ndaluar dhe nuk lejohet që muslimanja të ngjasojë pabesimtaret, pa marrë parasysh, qoftë kjo në veshje apo zbukurime.

Nëse nuk është qëllimi ky, atëherë lejohet, pasi qëllimi nga shpuarja e veshëve në këtë rast është që femra të vendosë në të vathë për zbukurim. Femra e ka të lejuar të zbukurohet, kuptohet duke mos i tejkaluar kufinjtë e caktuar në sheriatin Islam.

Prandaj themi se nuk ka ndonjë pengesë që femra muslimane të shpojë veshët më shumë se një herë, që të vendosë në të zbukurime, nëse i përmbahet këtyre kushteve:

1. Mos t’i ekspozojë ato atyre njerëzve që i ka të ndaluar, ashtu siç thotë Allahu i Lartësuar në Kuran: “…Dhe të mos ua tregojnë bukuritë e tyre askujt, përveç burrave të vet, baballarëve të vet ose baballarëve të burrave të vet, djemve të vet apo djemëve të burrave të vet, vëllezërve të vet ose djemëve të vëllezërve të vet, apo djemëve të motrave të veta, ose grave të tyre (që u përmenden) dhe robëreshave, të cilat i kanë në pronësinë e tyre, ose shërbëtoreve nga meshkujt të cilët nuk ndiejnë nevojë për femrat ose fëmijët që nuk kanë arritur pjekurinë për gra.”

2.Mos të jetë qëllimi me këtë ngjasimi i pabesimtareve.

3.Të mos vendosë në to vathë, që kanë formën apo janë të vizatuara në to shenja dhe simbole të pabesimtarëve (si kryqi, etj).  

Allahu e di më së miri.  

Alaudin Abazi

13.02.2006