Pyetja:

Selam alejkum. Dëgjova një hadith nga një turk nurxhi dhe nuk jam i sigurt se a është hadithi sahih apo është i shpikur.
Hadithi kishte të bënte me leximin e Kuranit në Ditën e Gjykimit. Ai tha: "Në Ditën e Gjykimit do të recitojë Kuran Abdullah Ibn Mesudi r.a., pas tij do lë lexojë Musai a.s., pas tij do të lexojë Muhamedi s.a.v.s. dhe në fund do të recitojë Allahu." Nuk po ma rrok logjika dhe kam frik se mos është hadith i shpikur.
Ju lutem të më njoftoni, pasi e kam obligim ta verifikoj në mënyrë që t'ju tregoj vëllezërve me të cilët isha në lidhje me vërtetësinë e hadithit.


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Nga njohuritë që kemi ne dhe nga hulumtimet që kemi bërë në koleksionet e haditheve nuk e kemi gjetur këtë hadith, prandaj nuk mendojmë se është hadith i saktë dhe se duhet të merremi me të. Kësi lloj hadithesh kemi shumë dhe njerëzit i përcjellin, por në fakt janë ose hadithe të dobëta ose të trilluara. Allahu e di më së miri!