Pyetja:

Jam një vajzë 19-vjeçare. Jam fejuar që 4 muaj, mirëpo s'jam e fejuar me hoxhë. A është haram dalja ime me atë djalë? Ju lutem të më jepni udhëzime për hir të Allahut Mëshirues! Më udhëzoni si të veproj. A e kam të domosdoshme të fejohem edhe me hoxhë? Pres përgjigjen tuaj. Allahu ju shpërbleftë!


Përgjigjja:

Alejkum selam ue rahmetullahi ue berekatuhu!

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Martesa me hoxhë është sunet dhe nuk është obligim. Për të qenë nikahu i plotë dhe hallall, duhet t'i plotësojë këto kushte:

1. Kërkimi i vajzës nga dhëndri apo nga ndonjë person që e ka autorizuar dhëndri.

2. Pranimi nga përgjegjësi i saj (që t'ia bëjë për hajër) dhënien e vajzës, të cilën ky person po e kërkon.

3. Prezenca e dy dëshmitarëve meshkuj dhe

4. Caktimi i mehrit (që bën të shtyhet edhe për më vonë).

Nëse janë plotësuar këto kushte në një mexhlis (tubim), atëherë kjo quhet nikah, përndryshe nuk është martesë dhe duhet të bëni nikah sa më parë te ndonjë hoxhë, ku duhet të jenë prezentë: përgjegjësi i gruas (baba ose vëllai etj.) apo ndonjë person i autorizuar nga përgjegjësi i femrës, dhëndri (burri i gruas) ose ndonjë person i autorizuar nga dhëndri, 2 dëshmitarë meshkuj dhe aty të caktohet mehri. Nëse plotësohen këto kushte kjo është niqah.

Dhe në këtë rast e ke të lejuar të flasësh me të, të dalësh me të dhe të flesh me të, mirëpo disa dijetarë bashkëkohorë, për arsye të gjendjes sonë, traditës sonë etj., e kanë ndaluar fjetjen (pra që ti si femër të kesh kontakt intim me të), për shkak se nëse bën marrëdhënie me të dhe nëse të lë ai ty, ti si vajzë te ne konsiderohesh e fejuar, kurse në realitet ti më nuk je e fejuar, mirëpo e martuar dhe tashmë nuk je beqare, mirëpo je e ndarë.

Dhe kështu që mendimi më i saktë është që nuk lejohet të vetmohesh me të derisa ta bësh martesën dhe të të marrë te shtëpia e tij.

Për ta vërtetuar atë që thashë më lart, po sjell një fetva të Lexhnetud-Daime, që është pyetur: "A është e lejuar të bëj marrëdhënie një mashkull me një femër nëse kanë ber akd (nikah) dhe para se ta marrë ai gruan te shtëpia e tij, duke e ditur se kjo është në kundërshtim me traditën e atij vendi?"

Përgjigjja:

"Nuk ka ndonjë ndalesë në Islam; nëse një mashkull ka nikah me një femër, mund tp bëjë marrëdhënie me të, mirëpo nëse kjo vepër sjell gjëra të këqija pas saj, atëherë duhet ndaluar një gjë e tillë, sepse ndalimi i së keqes është më primar sesa afrimi i së mirës." (Ky është rregull i usulit).” Në komision: AbdulAziz bin Baz, AbduRrezak Afifi, Abdullah ibn Gadejan, Abdullah ibn Kaud (Fetava lexhnetud-daime 19/271)

Dhe dihet fare mirë se pasojat janë shumë të mëdha. Ne dëgjojmë shumë raste ku motrat muslimane janë shfrytëzuar nga disa njerëz e pastaj janë ndarë nga të fejuarat e tyre dhe tani këto femra kanë humbur virgjërinë e tyre dhe u vështirësohet martesa.

Edhe nëse nuk e lëshon femrën, mirëpo ka mbetur shtatzënë dhe kjo femër shkon tek burri shtatzënë 5-6 muajsh, çfarë do të thonë tek ne dhe si do ta konsiderojnë këtë femër shqiptarët?