Pyetja:

Kush janë dijetarët?

Përgjigjja:

   Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen, mbi shokët dhe mbi të gjithë ata që ndjekin rrugën e tij deri në Ditën e Gjykimit.
   Termi “dijetarë”, të cilin e përdorin muslimanët, ka për qëllim ata njerëz të cilët kanë njohuri rreth fushave të ndryshme të Islamit. Ky term zakonisht përdoret për njerëzit që tregojnë zotësi dhe pranohen te muslimanët si njohës të cilët janë thelluar në fushat e ndryshme islame. Prandaj, nuk është e qëlluar të përdoret për këdo që mund të plotësojë apo të tregojë zotësi vetëm në një fushë apo në shumë fusha, por njohuria e tij prapë është jo shumë e thelluar. Specifika e tyre është ajo se njohuritë e tyre janë të shumta dhe të bollshme, se kanë aftësi në sqarimin dhe trajtimin e rregullave, të çështjeve, të njohurive a të problematikave të cilat ndodhin apo janë të pranishme te njerëzit si individë apo në shoqëri. Ata këtë e bëjnë gjithmonë duke pasur pikënisje mësimet islame të mirëfillta e të bazuara në burimet e shëndosha, Kurani dhe Suneti.
 

Alaudin Abazi
14.3.2008