Pyetja:

Selam alejkum! Hoxhë i nderuar, kam dëgjuar se nuk bën të falesh me mëngët e përvjela apo të kthyera. A ka ndonjë argument apo si është puna?


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.

Kjo që thoni ju është e vërtetë. Pejgamberi alejhi selam ka thënë: “Mos hyni në namaz të përvjelur dhe me flokë të lidhur.”
Mirëpo nëse këto mëngë apo pantolla janë vetë ashtu të kthyera, atëherë nuk ka ndonjë ndalesë, ndalesa është vetëm nëse ju i përvilni mëngët, kurse nëse vetë janë të qepura në atë mënyrë, atëherë lejohet të falemi, përndryshe është mekruh (e papëlqyer).
 

Eroll Nesimi
19.10.2008