Pyetja:

Selam alejkum!
Kam dy pyetje:
1. A është haram muzika?
2. A është haram që femrat të veshin rroba të kuqe, të bardhë etj.?


Përgjigjja:

Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen, mbi shokët dhe mbi të gjithë ata që ndjekin rrugën e tij deri në Ditën e Gjykimit.

1. Për muzikën, se a lejohet, jemi përgjigjur në një përgjigje të mëhershme, ku kemi përmendur argumentet e ndalimit të saj. Aty mund të lexoni për këtë:
http://www.klubikulturor.com/pyetje/2007/ajete_dhe_hadithe_per_73_grupet_muziken_dhe_dhenien_e_dores_gjinise_tjeter.htm

2. Kurse sa i përket rrobave me ngjyra për femrën, të gjitha ngjyrat janë të lejuara, por ajo duhet të ketë kujdes që të mos dalë në rrugë apo para burrave të huaj me rroba që kanë ngjyra të theksuara dhe që tërheqin vëmendjen e burrave, si ngjyrat e ndezura. Kurse në shtëpi, para familjes, burrit dhe para grave lejohet të veshë të gjitha llojet e ngjyrave. Allahu e di më së miri.
 

Alaudin Abazi
18.1.2008