Personi që e kupton rëndësinë e namazit, ose e pranon Islamin dhe nuk di asgjë nga Kurani, nuk është i liruar nga falja. Ai duhet ta kryejë faljen ashtu si ka mundësi, qoftë edhe vetëm duke përsëritur dëshminë (shehadetin) dhe lutjet e tjera të shkurtra, si për shembull të thotë elhamdulilah, subhanallah, Allahu ekber, etj..

Pastaj nga ai kërkohet të fillojë menjëherë të mësojë pjesë nga Kurani, me të cilat do të falë namazin. Nëse është prej atyre që nuk dinë shkrim dhe lexim, atëherë ekzistojnë metoda të tjera me të cilat mund të mësohet, si me anë të dëgjimit nga audiokasetat ose duke ia përsëritur dikush drejtpërdrejt suren, etj.. Kjo formë ndoshta është më e vështirë, por mund të mësohet më mirë se me lexim të transkriptuar të sureve.