Pyetja:

Disa barëra kanë kohën e caktuar të përdorimit, sepse nëse përdoren jashtë kësaj kohe ato e humbin efektin e tyre ndikues tek i sëmuri,  a lejohen të përdoren ku sëmundja e cila merret për shkak të saj (ilaçi) mund të jetë sëmundje e rëndomtë e jo diçka e rrezikshme?

Përgjigja:

Po, lejohen të përdoren duke qenë agjërushëm (duke e ndërprerë agjërimin), nëse barërat kanë kohën e vet të  caktuar të përdorimit, sepse nëse nuk përdoren në kohën e caktuar, humb efekti i tyre. P.sh.: gjatë ditës së ramazanit nëse nuk i përdor humb efektin e saj dhe i sëmuri ka nevojë për të, kjo sikurse thotë Allahu aze ue xhel: "Ndërsa kush është i sëmurë ose në udhëtim, le të agjërojë aq ditë nga ditët e mëvonshme.'' Personi i tillë e përdor ilaçin dhe e kompenson atë ditë pas ramazanit, pasi ai është i sëmurë dhe hyn në fjalën e Allahut ku thotë:  "Ndërsa kush është i sëmurë ose në udhëtim, le të agjërojë aq ditë nga ditët e mëvonshme.'' Edhe nëse sëmundja nuk është shumë e rëndë ose e rrezikshme Allahu aze ue xhel e ka lejuar ilaçin dhe e ka lejuar për të sëmurin që të hajë, nëse agjërimi shkakton dobësimin ose ndikon tek ai. Ndërsa sëmundja e rëndomtë sikurse dhimbja e kokës, dhëmbit kjo nuk është arsye që mos të agjërojë dhe nuk i lejohet që ta prishë agjërimin.

Marrë nga libri: “Fetva të fikhut rreth çështjeve mjekësore të Ramazanit” nga dijetari i mirënjohur Shejh Salih Fevzan (Allahu e ruajt!)

Përktheu: Rashid Zulfiu

06.10.2006