Pyetja:

Nëse imami është duke i falur 4 rekate të namazit të teravive, a i lejohet atij që i ka ikur farzi i jacisë të fal këtë namaz (farzin e jacisë) pas imamit, ndërkohë që imami fal sunetin dhe, a mundet ai të fal kaza në të njëjtin shembull?

Përgjigja:

Të falesh pas imamit, kur ai falë teravitë, kurse ti falë jacinë, pasi je vonuar dhe nuk e ke arritur në fillim, është çështje që dijetarët e medhhebit hanefi nuk e kanë lejuar, pasi që ata e kushtëzojnë që nijeti i imamit dhe i atyre që falen pas tij duhet të jetë i njëjtë, por në bazë të argumenteve që mund t`i lexojmë në këtë, shohim se kjo lejohet. Ekzistojnë disa hadithe ku Profeti (salallahu alejhi ue selem) i ka urdhëruar ta bëjnë këtë, apo sahabët janë falur pas imamit edhe nëse dallon nijeti (i namazit). Prandaj themi se kështu duhet vepruar falësi nëse e arrin imamin në namaz të teravisë, kurse ai nuk e ka falur jacinë, atëherë ai lidhet me imamin dhe e bënë nijet jacinë. Allahu e di më së miri.

Alaudin Abazi

18.09.2006